Admin مدير المنتديات
عدد الرسائل : 123 العمر : 40 بلد الاقامة : الاردن تاريخ التسجيل : 11/01/2009
| موضوع: العتاب / حامد زيد 2009-01-18, 8:33 pm | |
| جابك الله من غياب ضيق صدور المباني قبل لا الوحشة تزعزع بيتك الصلب وتبيده بيتك اللي من رحلت وكل جدرانه تعاني ما تحمل ينتظر شهرين وعيونك بعيدة الله العالم لو انك جيت متاخر ثواني ما تشوف الا بقايا من حصاه ومن حديده من عرفتك وانت تايه من مواني في مواني وتاركٍ قلبي مولع من قيده في وقيده ضاعت سنيني احدّ بهالليالي وتحداني انت ما تشبع غياب وما تخاف من النقيدة ودي اتحمدلك الله بالسلامة ما مداني كل ما توصل برحلة ترجع برحلة جديدة دام تدري كل وجه غير وجه الله فاني ياخي اكسب ثواب وخاف ربك في عبيده كان فيني عيب قلي فيني العيب الفلاني كان هرجي مزعلك في شي قلي لا تعيده عيب تصغر في عيوني وانت برقاب الغواني ليه تستسهل طعوني وانت خابرني وليده لعن ابوك ان مت بايدك واش يكفيك من اخواني لحزنوا ربعي على فرقاي شو اللي تستفيده انت منت اللي عشقته انت اكيد انسان ثاني ليه صرت بهالبرود وهالاحاسيس البليدة وين حبك للزعل وين العناد الاولاني وين حنية زمان وفرحة العمر الرغيدة وين ذاك اللي لا يقبل ما يبات الا باماني وين راح اللي لا يقفا ما يروح لا فقيدة واحد من جابه الله بس يامر ويعصاني الوحيد اللي اخاف ازعله وامشي معه سيدا ما بغيت اطيح بايده لين ما ربي بلاني والا انا لو هي بكيفي ما بغيت اطيح بايده ذاك بس اللي لا يامن جيتله لخبط كياني اللي بنظره ينشف دم قلبي في وريده قبل اشوفه اجمعله احلى القصايد والمعاني وان لقيته ما عرفت اقله جملة مفيده الف مرة قبله اعد القصيدة من لساني ولعن ابوه ان جيت عنده قمت اخربط بالقصيدة امدحه وانا ادري انه لو تباطاني نساني انطحه وانا اعرفه مجنون وافكاره عنيدة من يسوي بي سواتك يالرهيف الاسمراني من هو من الناس غيرك غلتطته ترفع رصيده من يقص جناح طيرك وانت اعز انسان جاني ليه اخاف رماح غيرك وانت ضرباتك سديدة ان تبعتك اتبعك من طيبي وواسع ابطاني والا انا لو جيت اكيد انسان تري كيف اكيده اقدر انزعلك ثيابي والبس ثياب الاناني ولقدر اطلع من عذابي والعب بدورك واجيده ومستعد اكسب رهاني لو بغيت اكسب رهاني واخدعك باحساس كاذب واتحدى من يصيده ابكي انا لو شفت خلي حط غيري في مكاني والله اني لاتركه واصد واعشق سيد سيده جيت ما بيك تحقرني جيت ابيك تعز شاني اجيت ابي فزعت ضلوعك من مشاعرك البليدة خلني داخل حدودك واجبر بخاطر زماني اكذب بباقي وعودك واصدق بلحظة سعيدة انتشلني من برودك لو تولع بالمحاني عطني احساس بوجودك واخذ كل اللي تريده تكفى وليا قلت تكفى بيع خلق الله عشاني لا تضيع من ايديني فرصة العمر الوحيدة يعلم الله شفت فيك من غيابك ماكفاني كان ما تقدر تخفف هم قلبي لا تزيده شوف غيابك شو مسوي بالصدور وبالمباني والله انك لو وصلت البيت متاخر ثواني ما تشوف الا بقايا من حصاه ومن حديده ==================================================== | |
|