يوم الفراق

هذا هو يوم الفراق
رحلت انت
بدون سلام ولا حتى كلام
دموعي على خدي
إحساسي بآخر ثواني تمر فيها و أنا معاك
معاك بالروح و بعيد بالجسد
ضعفي جدام عينك
و نزول دموعي تناديك
هذا يوم الفراق
اليوم إلي انتهت فيه قصه
تحتوي أيامنا و شلون انختمت بدون وداع
حواجز بحواجز واجهتني
وما لقيت منها مفر
ولا قدرت أتعداها لجل أوصلك
ضعفي بدونك
و انهياري بكل ثانيه تمر بعدم وجودك
وجودك إلي كان يقويني
وجودك إلي همومي ينسيني
وجودك إلي يرسم بسمتي
وجودك إلي يحليلي الحياه
رحت ولا تركت أي أثر
غير اسم على طاوله يذكرني فيك
إحساسي أني محتاج أشوفك أكثر
إحساسي أني لازم أسمع صوتك
إحساسي أني لابد إتامل عيونك
لحظة وقفنا
و دمعتي على خدي نزلت
خنقتني عبرتي ولا تكلمت
خليتك تروح رغم أني محتاج أشكيلك
خليتك تروح رغم أني أبييك
ما عرفت انه بيكون الوداع الأخير
ما عرفت أنها نظره وداع لعيونك
تأملتك و انت تبتعد وفي داخلي شيء يناديك
أرجع
تراني أموت في بسمتك
تراني أعشق نظرتك
أرجع
خليني إتاملك من جديد
و أحكيلك همي
أرجع
محتاج أفضفضلك
محتاج أشكيلك حالي وشلون بيكون و انت بعيد
إحساسي يوم رحت
كنت على أمل أشوفك قبل لا تغيب
لكن الأمل خاب
لمه ركضت أبلحقك قبل لا تروح
و آخر شيء .......
ما لقيتك

By;Daniel