رسالتي لج. ،،،

حبيبتي ؟؟
أبيج لو مره تسمعيني ؟؟
أبيج تلبين نداي ،،
حلمت فيج اليوم
وقمت من نومي مشتاق
طمنيني ،،،
انتي بخير ؟
سعيده ؟
مرتاحه ؟
فقدتج تسمعيني ؟
أدري ماني حبيبج
وأدري تعتبريني رفيق
أو يمكن ما تعتبريني شيء
لكني احتاجج !!
من يوم بعتيني نسيت كرامتي و قمت أدورج
محتاج كلامج
محتاج أسولفلج
محتاج أحس بوجودج
تركتيني و رحلتي
وبرضاج و غصب عني بعدتي
لقيتج فجاه عن حياتي اختفيتي
قمت و أدورج مثل الرضيع
إلي محتاج أمه
تفكيري فيج ذبحني
أذكر أيامنا و أذكر ليالينا عدل
أذكر يوم أشوفج صدفه
أذكر يوم أخذت منج ذكرى
أذكر يوم انتقابل و نبتسم و نسلم
أذكر يوم أقعد قبالج بعيد و أناظرج و أنا ذائب
أذكر يوم إضائقج و تلقيني منتظر عشان أراضيج
ما تذكرينهم ؟ نستيني ؟ اطري على بالج ولا ما اطري ؟
يعني مرتاحه معاه ؟
يعني سعيده ؟
تذكرين يوم وصفتج و قلتلج أني أشوفج ملاك ؟
إنسانه خاليه من الخطى ؟
يمكن مالي حق إعاتب أو لي حق ألومج ؟
دخلتي حياتي ،، و غيرتيها كثير ،، و صرت من السيء لي الأحسن ،،
وصرت أحب وجودج
وصرت أحس بالراحه و اطمن قلبي لإنج معاه
أنزين ،،
تذكرين يوم قلتلج شلون أشوفج !!
يوم وصفتج و يوم قلتلج و عرفتج أني فاهمج ،،
إيه أعرفج عدل لكن بعد الفراق ما عدت أفهمج !!
ما بقولج بدلتيني ولا بقولج خنتيني
لكن بقول كسرتيني !! و ابتعدتي ؟
حسبتج ما تجرحين
حسبتج ما تكسرين
عرفتج بطيبه قلبج شلون صرتي شخص ثاني و صرتي تجرحين ؟
لهالدرجه غيرج ؟ عماج عن إلي يحبج ؟
خلاج تكسرين و تجرحين ؟ قسى قلبج ؟
يعني !
ابتسامتج إلي أحبها هو يشوفها
سوالفج إلي أعشقها هو يسمعها
ريحه عطرج إلي تذوبني هو يشمها
وحضنج إلي دائم أحلم أني أكون فيه هو ملكه
دائم قبل لا إنام تطرين على بالي ؟
أفكر فيج ؟
ابتسم من حبي و أبجي من شوقي
و أسأل حالي عن حالج ؟
أقول يا قلبي معقوله نستنا
معقوله ما فكرت فينا
معقوله ما تذكرنا
معقوله من حياتها محتنا
معقوله ما رسمت لنا في بالها ذكرى
شفتي شكثر أثر فيني غيابج ؟
صدقيني ماهو ضعف لكني مشتاق
و أنا معاج ،،
كنت خايف
خفت أتعلق و تعلقت
خفت أحبج و حبيت
خفت تغيبين و غبتي
أنا ذاكرج يا قلبي ،،،،
ذاكر ضحكتج
ذاكر ابتسامتج
ذاكر ملامحج
صورتج دائم جدام عيني تمر
و أنا صاحي و أنا نايم
يعني بعدتيني عشان ترضينه ؟
ولا بعدتيني عشان ما أتعلق !!
ولا عشان الاثنين !!
أنا تعلقت بهواج من بدايه ما شفتج
و من أول حوار دار بينه
تذكرين صورتج إلي أحبها ؟
تذكرين الكلمه إلي منج أحب أسمعها ؟
غلاتج في قلبي ليلحينها في محلها
والله خايف عليج
يقولون يخون !! يقولون يلعب !! يقولون مو صادق بالهوى !! يقولون يعشق بدال الوحده ألف !!
صدقيني مو قصدي أفرق بينكم بس هذا كلام الناس عنه و كثير إلي شافوا منه !!
انتي الحين مرتاحه لأني انفذ إلي طلبتي
لكني مو مرتاح !!
أخاف قلبج ينكسر
أخاف عيونج في يوم تدمع
أخاف عليج منه أيييه أخاف عليج منه
مأبيه يأذيج
وما أبيه يخليج مكسوره
صحيح أني الحين بعيد
لكني في قلبج لو تبيني
و حوالينج لو احتجتيني
و دائم ناظر منج تنادين و صدقيني بتلقيني
ابطلب منج طلب و أبيج تلبين
كوني بخير عشان أكون بخير
كوني سعيده عشان أكون سعيد
كوني مرتاحه عشان أكون عليج متطمن
أحبج و بظل أعيدها ألف مره
من هني لي يوم هالحياه أودع
ساعتها بروح غصب عني و عنج

By;Daniel