تدرون ؟
مرات و إحنا عايشين في هالحياه
نحصل أشياء ما كنا متوقعين انه إحنا نحصلها في يوم من الأيام !!
و بعض هالاسياء تكون أماني ،، مع أنا ندري أنها ما راح تتحقق بس نتمناها
لأن في بداخلنا شيء رغم اليأس يعطينا اندفاع أننا نكسر هالحاجز و نتمنى !!
و أن الله كبير و يقدر على كل شيء ،،
و كلنا راضين باللي الله كتبه لنا و لا اعتراض على حكم الله ،،
لكن ،،،
مرات ممكن انه تصير شغلات تخليك غصب عنك تضايق لأنه ما صار أو حتى اكتمل !!
ما بقول مثال ؛؛
كلنا عشنا و كلنا شفنى و كلنا تمنينا
و كلنا لنا إنسان ،، نعتبره كل شيء في حياتنا !!
و هالانسان بعد يعتبرنا كل شيء في حياته !!
نادر ما نلقى ،، و صعب أنا نلقى أحد في هذي الأيام يوفي لنا و يخلص ..
صحيح انه غلط إنا نعلق نفسنا بهذا الإنسان لأنا ندري انه في يوم بيروح ،،،
لكن التعلق شيء مو بأيدنا لا تعلقنا ،،
نحاول كثر ما نقدر انه إحنا نحافظ عليه لأنا ما نبيه يروح بعد ما تعلقنا فيه
لأن شيء يذبح الإحساس ،،
يعني ممكن انه كل إنسان يغلط و محد معصوم عن الغلط
و كل إنسان ممكن انه يمر بظروف و ضغوط نفسيه !!
شيء مؤلم انه نقعد في يوم و ما نلقى إلي نحبه حوالينا
و المؤلم أكثر انه ما خداه موت !! لكن خداه غياب
موجود في الحياه و مو موجود في حياتنا !!
يعني ممكن انك تقابله صدفه و ما تقدر تكلمه
ممكن انك تشتاقله و ما تقدر تسولفله
ممكن انك توله على صوته و تدق لكنه ما راح يرد عليك !!
ممكن انك تعيش طول عمرك منتظره و انت تدري انه احتمال كبير انه ما يرد !!
رافض فكره غيابه لكنك غضب عنك بترضى بعدين لأنه غائب غائب لا محاله ،،
تشوف انك قاعد تخسره لكن أيدك و ريلك مكتفه و ما تقدر تسوي شيء !!
قمه في الألم انك تكون معاه 24 ساعه و فجاه تلقى نفسك 24 ساعه تناديه لكن بدون رد !!
بيبتعد هو عن الكل ،، لكن الغريب انك انت ضرت من الكل !!
على أساس انك شخص عنده غير عن الكل !!
شيء غريب يا ناس !!
تلقاه قرب البعيد منه ،، و بعدك !!
صحيح ممكن تعاند و ترفض انك تبتعد عنه
يمكن لأنك وعدته ما تخليه
يمكن لأنك لو غاب عنك لحظة تحاتيه
يمكن لأنك لو كنت معاه تحس انك متطمن عليه
،،
تشوفه تغير !
و تبدل حاله و تحول !!
تكلمه ،،
و هو يجرحك يجرحك في الكلام و انت ساكت و تتحمل ،، ليش ؟
لأنك تحبه ،،،،
يجي ثاني يوم و تنسى !
و ترجع تكلمه ،،
و يرد و يزيد جرحك بالكلام و انت ساكت و تتحمل ،، ليش ؟
لأنك تعزه ،،،
شيء لا يمكن لأي إنسان يتحمله و حتى ممكن انه يكرهه لكنك انت صامد و متحمل لأنك ما تبي تكونون إغراب بعد ما كنتوا حيل قراب !!
شنو هالحب إلي يخلي الإنسان حتى ما يفكر بنفسه
شنو هإلغلا إلي يخلي الإنسان يتحمل الجروح و ما يبتعد عن إلي يحبه !!
خايف انك تبتعد
لأنك تدري إذا رحت لا يمكن انك في يوم ترجعله
لأنك تدري إذا تركت ايده لا يمكن ترد تمسكها
لأنه أهو مصمم انه يبيعك !!
و يقولها و بكل بساطه " ما أبيك "
شنو في أقوى من هالكلمتين بين شخصين كانوا أقرب للإنسان من شريانه ؟
اعتقد مافي !!
هو بعيد !!
و انت في كل ليله تنزل دموعك بحرقه عشان غيابه و انت كل يوم تشتاق و تشتاق و تشتاق لأيامك معاه
تقعد تفكر وين كنه و وين صرنه ؟؟
شفتوا شلون الرفض للي ربك كتبه ؟
شيء جد يحز بالخاطر انك تفقده
و هو يجرحك بالكلام و انت تبجي في حرقه و ما يشوفك
كلنا ما رضينا لكن تعودنا !!
بس بعد شنو بعد عناء طويل !!
By;Dani