انفصام

استغرب من الناس أحيانا
و يمر في بالي بالثانيه ؟ ألف سؤال ....
شنو الشعور إلي يحسونه لما يعيشون بوجهين ؟
جد شنو تحسون فيه !!
مو شيء حلو انه الإنسان يعيش في حياته له شخصيتين مختلفتين
النار و الجنه عمرهم ما راح يجتمعون
شلون انت ،، تجمع في نفسك صدق و كذب ؟
شلون تجمع في نفسك خبث و أمانه
شلون تجمع في نفسك نوايا حسنه تحتوي نوايا سيئه ؟
لهالدرجه الدنيا فوضى ؟
ولا المصالح عمت الإنسان عن أخلاقه ؟
و خلته ينسى قلبه و حتى ينسى نفسه ؟
و يعيش بانفصام شخصيه ؟
كل هذا ليش ؟
يعني شنو تستفيد إذا انت كنت جدام الشخص شحلأتك و لا لف وعطاك ظهره ؟ مليته طعون ؟
تخلت عنك النخوة و الغاريه ؟
تخلت عنك الإنسانيه ؟
إلي أشوفه انه إلي قاعد يصير بالدنيا شيء مو طبيعي ؟
هبه و هبو فيها الناس !!!!
مو شيء واو انك انت تحش في رفيج عمرك و تستحقره جدام أحد غريب عشان تكسب الناس أو تخلي الكل يضحك ؟
أنزين رفيجك !!! شلون يهون عليك تحطه في هذا الموقف ؟
و مو شيء حده عجيب انك انت تقعد مع إنسان فجأه و هم تتركه فجأه ولا جاك يبي يعرف الأسباب تقوله بدون سبب !! شنو الدنيا تمشي على كيفك ؟ ولا أخاف مشاعر الناس على كيفك !!
ولا أهو كشخه انك تشوه صورة أي إنسان سواء ضرك أو ما ضرك !!! هذي سمعه فيها شرف ،، حتى ممكن انه بيوت تخترب ؟؟
مستسهل الأمور ،، مآشئ و تتكلم !! موو قادر تقضب لسانك ؟
مشكله الناس هالأيام انه كل شيء عندهم يندرج تحت مسمى عادي ؟
يقولك يا فلان لا تتحجئ بتجرحه ؟ يقول عادي
يقولك يا فلان هذا سر لا تقوله لأحد ؟ يقول عادي
يقولك يا فلان ترى أنتو خوان ما يصير إلي تسويه ؟؟ يقول عادي

إذا انت عادي عندك انك تنحظ في يوم من الأيام ،، غيرك ممكن ينأذي إشد الاذى بسبب كلمه طلعت منك !!
شرف الناس مو لعبه انت تلعب فيها ،،
وين ضميرك ؟
شلون تنام مرتاح و انت تتسبب بمشاكل لناس يمكن ما أذتك أو ما شفت منها شيء شين ؟
حتى لو شفت شيء شين !! استر عليهم !!
كلش مو شيء عجيب إلي انت قاعد تشويه بالأوادم

فكر بآخرتك شلون بتقابل ربك إذا انت في الدنيا مستهين بالأوادم و عاجبك انفصامك ؟
" إلي يستر على أخوه المسلم ، الله يستره في الآخره "
عيش حياتك لك انت و انشغل بأمورك ،، ما له أي داعي انك تعيش إنسان لك أكثر من شخصيه لأن تأكد بتتسبب بدمارك في يوم و ما بتلقى إلي يشيلك

By;Dani qaddoura