لما تحس انك عاشق أحد ....
و لما تحس بتحرك في مشاعرك بلحظة وجودك ...
و لما تكون سعيد بكل لحظاتك معاه ،،،
و لما تحس انك تخاف عليه .. و يزيد اهتمامك فيه ...
و تحس بغيره شديده عليه ،،
ممكن أن إحنه نسميك " مجنون رسمي " ،،،
لكن !!
شنو لو كان حبك من طرف واحد واحد بس ...
تشوفه حبيب و تشوفك مجرد صديق ،،
عنده إلي يفوقك أهميه ،،
يكون معاك .. و ينشغل في غيرك ؟؟
تحب فيه أشياء و تكون انت محروم منها لكن لغيرك متاحه !!!
تحس في لحظتها أن وجودك و عدمك في حياته واحد .....
صحيح انت ما تعرف إلي يدور في قلبه و عقله ؟؟
لكن شنو تثبتلك تصرفاته ؟؟
إنك على كثر من تحبه ؟ ما يهتم !!
إنك على كثر ما تهتم ؟ ما يقدر !!
إنك على كثر ما تخاف عليه ؟ يضايق !!
إنك على كثر ما تغار ؟ يزيد نارك حطب !!
تقعد مع نفسك دائم قبل لا تنام و تفكر فيه !!
و بكل لبله تكثر أمانيك أن في يوم من الأيام يكون لك انت وحدك
تيي فتره يقسى عليك ،، بس ؟
لأنك تحبه ،، تتغاضى
لأنك تحبه ،، تسامح
لأنك تحبه ،، تنسى
لأنك تحبه ،، تسكت
لأنك تحبه ،، تتحمل
و لأنك تحبه ،، دائم تطلعله أعذار عشان ما تظلمه
شنو اخرتها ؟
إذا انت تحب دائم تسعده و ما تحب تضايقه ؟
تحمل نفسك فوق طاقتك ،،، فائض مشاعرك في يوم بتأذيك ،، تحرقك في نار حبك و محد بيحس فيك لا أهو ولا غيره ....
يوم تحس بالشوق و تقوله مشتاق و بكل برود أعصاب يكون رده !!
يوم تحس بأنك محتاج و محد يحس فيك
يوم انت تحس فيه بكل شيء وهو إحساسه مو صوبك ،،،
يوم انك تضيق و في داخلك ألم و تحس انك تنازع الموت ،، و تتمنى انه يكون منقذك و للأسف ما تلقاه !!
يغلط هو عادي !! أما تغلط انت بتكون غلطان و فوق هذا عاقبتك وخيمه ؟
وين العدل ؟
بروحك بتحترق و بروحك بتتعذب و بروحك في كل مشاعرك بتنكسر !!!
ما أقولك تراجع !! القرار لك ،،،
لكن فكر و اسأل نفسك " لي متى ؟ "
By;Dani qaddoura
@DaniAlm_