شعور معقد

إلي يعقدنا ،،
لما نحس انه إحنا ما قمنا نفهم الحياه
ولأ قمنا نفهم إلي حوالينا
ولأ حتى قمنا نفهم ناس ( حيل قراب منا ) و يعنون لنا ،،
بس إلي نحسه ،،
انه الدنيا قامت تنقلب و تقلب معاها كل موازين حياتنا ،،،
غريب لما تشوف إنسان ،، ما قام يفهم أنسان هو كان من قبل يفهمه من نظرة
و الحين ،، يشوف في نظرته كل كلمه و انعكاسها و يحتار في أمره ،،،،
لما كان هذا الإنسان قريب منه
ما يمر يوم ما يكلمه
يهتم فيه مثل ما يهتم بنفسه
يحاتيه كثر ما يحاتي نفسه
يحرص انه يسعده قبل لا يسعد نفسه
يحب انه يشاركه كل لحظاته
ويقابله بالمثل ،،،
لكن ،،
يتفاجأ انه صار شيء يضائقه ( بعد ما كان يسعده ) !
انه صار شيء يأذيه ...
صار شيء يخليك تخسر إلي جدامك عشان بس حبيته ،، مجرد انك عديته جزء منك ،،
رفيجك ،، توأم روحك ،، مصدر سعادتك ،،،!!!
صار أو ضرت انت بالنسبه له مصدر ضيق ؟
نفس الأشياء إلي كنت تسويها له و كان يستانس منها ،، و لو غبت يفقدها !
الحين صارت تضائقه ،، صرت ( بتخسره ) لأنك تهتم لأمره ؟
تحس انه شعور غبي أو تحس نفسك غبي لأنك من البدايه عطيت و اهتميت
تشوف نفسك الحين قاعد تنذل ،،
أفكار تأخذك و تؤديك
ترفع لعالي سماء و ترميك !!
تهد حيلك ،،
مجرد انك إنسان تدخل علاقه و تبذل كل ما فيك بنيه طيبه ؟
بالبدايه يفهمونك غلط !!
بعدين تتعدل الفكره
يقولولك انهم حبو هالشي منك !!
بعدين تلقاهم يضايقون منه
،،، الغلط ينحسب عليك
و ينغفر لهم
تحس انك ضرت في متاهه ،، مو عارف تتصرف
تخاف تجدم خطوه أو تأخر خطوة و تخسر كثير !!
تثبت بمكانك ،، تهمر دموعك ،، تحس بضياعك ،، تحس بوحدتك مع انه حواليك ناس ،، ما تقدر تسند نفسك ،، ما تقدر تحرك عضو من جسمك ،، تخاف تندم ،، تخاف تتندم ،، تخاف تحترق و تصير رماد يطير من الريح دون ما أحد يحس بغيابك !!
تخاف تفقد ناس صاروا لك حياة
ما تعرف شلون بتتصرف معاهم ،، شنو يحقلك تسوي و شنو الشي إلي صار ممنوع ( أنبنت ذيك الحدود ) ~
حاولت تغير من نفسك آلاف المرات عشان تتوالم مع إلي حواليك و ما تخسرهم
تلقى نفسك ( خسرت نفسك و خسرتهم ) !!
و غرقت ،، في دنيا مظلمة
لأنك عشت في نيتك ،،، فقدت النور و حتى فقدت ذاك الإنسان إلي نبظلك بحياة
لأنك بس ،،، ( اهتميت فيه ) ~

بعيد عن الحب ،، كلامي يعني الصداقه ،،،

By;Dani