ساعات

ساعات ؟
نحتاج انه إحنا نطلع في يوم ،، شيء بداخلنا يصيح !
و نحتاج أقرب الناس لنا عشان نفضفضله و نقوله و نتكلم ،،،
انت ؟ في عينك ،، من طيبه قلبك ؟ تشوفه تدري انه فيه هموم ،، و إلي فيه مكفيه !!
تقول لا مابي أزيد عليه همومه و أثقل !! و انت محتاجه و بأمس الحاجه له !!
تكون حابب انك لو شوي تقعد معاه !!
تنطره و تنطره و تنطره و لا يالك ؟
تلقاه قعد دقيقه ،، و بثانيه يه أحد و خذاه !!
كرسي يمك بعد انتظار طويل امتلى ،، و بثانيه رجع و صار فاضي !!!
تردد بينك و بين نفسك مع تكرار نفس اللحظات ،، أنا وحيد ؟ ،، أييه صح أنا وحيد ..
وجد تحس انه مالك أحد بالدنيا !! و حتى إلي كان لك الدنيا كلها ؟ ما يدري عنك أو ما حس فيك !،،
ساعتها ،، تمشي في طريق مجهول تبتعد فيه عن كل شيء حولك و تلقى زاويه وتحكر نفسك فيها ،، و الدموع على حافه عيونك !!!
تخاف تنزلها ؟ لأنك متعود لنها لا نزلت تلقى من يمسحها لك و يأخذك في أحضانه ،،
قاعد بالزاويه خايف ؟ تبي تتكلم ،، خانقتك العبره !! تنهمر الدموع من عينك شلالات بالخفى !! و تصرخ ،،،
قاعد في ذيك الزاويه تفكر !! ليش !! شحقه !!
أنا إلي دائم أنظلم
أنا إلي دائم غلطان
أنا إلي دائم من أي كلمه ينكسر
أنا إلي حتى لو بقد مع ذاك إلي حييل أحبه و متعلق فيه ،، لازم موعد ،،
تحز في خاطرك لمن غيرك يأخذه الوقت كله
و انت ؟ ما تقدر حتى انك تقعد معاه تقول كلمتين على بعضهم !!
تزعل على نفسك صح ؟
يوم تهتم ،، و ما تلقى مقابل
يوم انك تحب و بقدر عالي ،، و ما تلقى إلي ينافسك في الحب ( بين طرفين )
يوم انك تكون موجود للكل في وقت حاجتهم و في وقت حاجتك ؟ ما تلقى أحد حواليك !!
تحس انك عن هالناس منعزل مع انك بينهم ،،
تحس انك على كثر إلي معاك ما زلت وحيد
لما تلقى شخص عوضك و حببك بالحياه ؟ و بين لحظه و لحظة صار يغيب !!
تحس انك من كثر كتمأنك و كثر شوقك ؟ في يوم بتفقد حياتك !!
لما تحس في غصه في داخلك ،، عبره ،، منت قادر تبلعها ولأ انت قادر تطلعها
يغلط عليك ؟ تقول أنا إلي غلطت
تزعل منه و ما تقوله
تضايق من حركاته و ما تعاتبه
تكون مشتإقله ؟ لكن ما تقدر تنأديه لأنه مع أحد ثاني
....
تحس انه حتى باللي سميته حياه و سعاده ،، مالك حظ معاه ؟ شنو أكثر شعور مؤلم غير هذا
لمن تفقد شخص و أهو معاك
لما تستأقله و أهو يمك
لما تحز بخاطرك حركاته و ما تتكلم
هذا بالضبط شيء فيني !!
كتم المشاعر أبد مو شيء سهل
هو كمية طعون في جسد واحد
هو موت بصمت و ألم

تكلمت عن نفسي في هالخاطره ،،،
لأني فاقد ،، و مشتاق ،، رغم انه إلي أحبه مأزال معاي ،، لكني مالي نصيب في قربه

معقده لكن تمعنواا في كلماتها بتلقونها سهله و مؤلمه

By;Dani