(الماضي)~
حكايه تنكتب في كتب ،، نخلدها للتاريخ ......
حكايات داخلها ألم ، داخلها فرح ، داخلها أشخاص .. ممكن في وقتنا الحالي يكونون أو ما يكونون
داخلها أحداث و مواقف ممكن يصير إلي أحلى منها .. و ممكن أبد ما تتكرر و تظل ذكرى ،،
قناعات البشر تختلف بالنسبة للماضي :
• ناس تنسى و ما ترجعله أبد ،، ( تشق صفحته من ذاك الكتاب )~
• ناس ما تنسى و تخليه و تبني عليه المستقبل ( تطوي الصفحه طوية خفيفه ممكن ترجعله )~
• ناس تعيش الماضي .. و تنسى المستقبل و تبقى سجينته ( تخلي الصفحه مفتوحه )~
ما نقدر نقول حق أي شخص انت غلط بالنسبة لخياراته اتجاه ماضيه
كل شخص يعيش في قناعه ،، مستحيل نقدر نغيرها فيه
و كل شخص عارف و فاهم و مرتاح على حاله و بالآخر القرار ؟ ( يعود له )~
بنفس الوقت ..
الأخطاء تشيع ،، ممكن شخص يكون عايش حياة عفوية .. يسوي أشياء ما يدري ليش و شنو أهي .. يعني كان ضائع ،، كان متشتت فكره و فجاه :
صحى .. قرر انه يطوي ذيك الصفحه دون الرجوع لها .........
مو من حقنا نحاسبه على ماضيه !! مو من حقنا نكرهه عشان ماضي أهو نفسه نساه .. كل إنسان يغلط و محد معصوم عن الغلط ....
و كلنا نعرف أن الحياه ( عباره عن امتحان )~
نغلط و نتعلم من غلطنا ... و الله وحده إلي يحاسبنا
منو منه ما عنده ماضي ...
كل إلي نعيشه ويفوت ؟ يصير في حياتنا ماضي
و كلنا عندنا ماضي حلو و ماضي مر ...
ماضي نتذكره و نبتسم و ماضي نتذكره و تدمع عيونا ...
ماضي نتذكره و نتالم بس نتعلم و ماضي نتذكره و يهون علينا ...
فالماضي عباره عن عده إحساسات و عده مشاعر و عده قصص بمختلف الأبطال و مختلف الشخصيات بشخصيه وحده تعيشها إلي أهي ( إحنا ) ~
و الماضي هو أغنية
هو مكان
هو زمان
هو كلمه
هو جمله
هو لعبه
هو هديه
هو شيء يؤدي له من شتى النواحي ...
هذا من أصعبها لأنه يؤدي للماضي إلي يالم قلوبنا بشده ( ذكرى لشخص كان و رحل )~ فجميع الطرق تؤدي إلى روما و لا تؤدي له !!
فلا تفكر تحاسب الشخص على ماضي كان و رحل .. لأنك ما تدري أهو في لحظتها ليش سوى جذي و شنو كانت ظروفه .. ولا تحاول أبد تفتحله باب الذكرى !! لأنه يألم ...
"تَكُون الذّكْرياتْ مُؤْلِمة عِنْدَما تَقِف حَزيناً فيّ ...مَكانٍ كُنْتَ فيهِ بِقمّة السّعادةِ وَ الْفَرحْ .!! "
By;Dani