شنو معنى انك تضايق و يتقطع قلبك لفتات !!
العنوان وحده ما يكفي للتعبير ...
أكتب و أنا في داخلي زحمة مشاعر مخلوطة باختناق !!
من عده تساؤلات في داخلي ما قدرت القى لها جواب ،، ولا قدرت أسأل الشخص المعني في أسألتي !!
" يمكن خوف يتملكني .. أو أهو شيء ثاني إلي ما أملك المفردات إلي توصفه بدقه !! "
شعور انك تملك شخص في داخلك ،، انت تحبه حيل ،،
و الكل يعرف غلاه و يشوفونه في عينك قبل قلبك و انت تحسه يتغاضى !!
( عارف غلاته و يتغاضى ) !!
و لأنك انت تحبه تعذرة ،، تجذب نفسك و تصدق عكسك ،، ( بس لأنك تحبه )
تعدي عليك الأيام ،، تفكر باللي فات
لما قررت انك تبدي حياتك بصفحه جديده و بيضه ؟
تكتشف انه كلام الناس لطخ صفحاتك الأولى بالأفلام إلي ما تنتهي ؟
و تلطخت صفحاتك الباجيه بالدم و الألم لأن أغلى ناسك صدق ذاك الكلام ، و يتقطع قلبك في كل مره يوحيلك في كلامه انه مقتنع و بشده !
و بعد جذي على كثر ما شافوا إلي حوالينك في عينك غلاته ؟
يعرفون إلي يضايقك حوله و يسوونه !! مثل إلي يتفننون بحرقك !! يمكن هو عارف أو يمكن هو مو عارف انك تضيق ؟ و ( يسكت >/3)
يشوفونك أقرب واحد له و بالحقيقه من تصرفاته تحس انك أبعد واحد عنه !! و في بعض الأحيان تحس انك في قلبه ( ولا شيء ) !
#يقدر بسهوله يبيعك !
#يقدر لا شاف أحبابه ينساك !
فرق العمر بينكم يا ترى في أيدك ؟ لقاك فيه متأخر هو اختيارك ؟
ولا أهي الصدفه في قررت تجمعكم في نفس المكان و التاريخ و الدقيقه ؟
غريب شلون تفكير الناس يقدر يحول قلبك لشتات !! يخلي سؤال يدور في بالك
( ليش أنا ؟ شمعنا إحنا ؟ ليش تغيرنا ،، " كنا في البدائه أحلى ")
دائم موقف واحد منه يخليك ترجع لبدايتكم شلون كانت ؟ ما بقول للوعود لأن الصحيح أنها ( مزيفه ) ،،
اقتنعت بمقولة ( الناس في تغير مستمر ) !
تكون لك انت لحظة لقاه مقدسه ! يعورك قلبك لا شفت غلاتك عنده مو نفس غلاه عندك لا قالوا الناس ( ما يهتم ) و جوابي دائم ( لا تظلمونه ) ،،
يقولك أقعد معاك !!
أقول تقعد لكنك مو معاي !
" شمعنه و انت معاي تحلى في عينهم !"
إنسان ما يبين في عيني لأني أسوف الوقت إلي أقعد فيه معاك غير كافي ؟
و حياة التكنلوجيا أبد ما ترضي شوق القلب ،، هو وحده اللقى الدواء للشوق ،، و أنا ؟ (محروم منه) !!
" دائم أكثر إنسان انت تحبه ؟ هو أكثر إنسان بعيد عنك ،، للأسف "
By;Dani