شعور الغربة ،، و انت عايش بين الناس
شعور الموت ،، و قلبك ليلحينه ينبض !!
شعور لا يوصف هو شعور ( الانكسار ) ،!
لما يعيش في داخلك إنسان ،، و مع الأيام تخليه شيء غالي ،،
لما يصير هو في قلبك الملك ،، و قدر انه يتملكك ،،
لما يتعلق كل مافيك فيه ...
يومك ما يكمل بدونه ،،
يكون هو من الأساسيات في حياتك ،،
تحبه ،، و الكل يشوفه في عينك بدون ما تتكلم ،،
( تحترمه ) ،،
تبذل الغالي و النفيس لسعادته ،،
تضحي بشغلات مهمه عشانه ،،
تتعدى حدود انت في يوم حطيتها و رسمتها ،، عشان تحققله أحلامه !!
تعشق وجوده معاك ،، تحب كونه يمك ،،
أول اسم في تعبك تناديه ،،
أول إنسان تشكيله لحظة ضيقك !!
أول من يمر على بالك في صباحك تصبح عليه ،،
أكثر إنسان تكتبله أو تسولف عنه !!
لأنه عندك شيء خيال ...
شيء مهم وأيد .. شيء غالي بالحيل ،،
من كثر ما تحبه ،،
تغفرله زلاته ..
و لأنك تحبه ؟ تحبه بكل حالاته ،،
لكن لما تشوف أن ذاك الإنسان فجاه ( تحول ) ،،
وصار إنسان ثاني ،، و قدر انه يستبدلك بغيرك بكل سهوله ،،
و نسى أيامك ،، نسى إلي انت سويته عشانه ،،
وخلأك تحس انك في حيره ،، و ضياع ...
ودك تعاتب ،، بس تحس أن الكلام معاه ضائع ،،
ودك تتكلم لكن تخنقك عبرتك ( من وين تبتدي و من وين تنتهي ) ،،،
هذا إلي كنت أشوفه ملاك ؟ صار شيطان !
ألم لا حاصر القلب قضى عليه ،،
مو دائم السكوت علامه الرضى !! في بعض الأحيان السكوت يكون بداية الموت ،،
By;Danii