منك العذر / حامد زيد

منك العذر ومني المعذرة
لا تحسب حساب هجر ولا هجير
كل ذنب تذنبه تستغفره
واحد ما يعذرك ما فيه خير
دوذر بصدري وطن واستعمره
عندك من الضلع الاول للاخير
عيش فيني وادمر اللي تدمره
واعتبرني واعتبر سرك ف بير
لا تبشرني بجرح وتنخره
لا تعشمني بفرح وتستخير
ولا تنومني بليل وتسهره
ولا تنام الا وانا جفني سهير
خلني مثل النجوم مبعثرة
عيش فيني لا شهيق ولا زفير
لا تقول العفو عند المقدرة
خل قلبك صلب واحسابك عسير
المسامحة والزعل للمجرة
والا انا لاني زعول ولا صغير
ودي ادري ليه للحزن اثمرة
ودي اقطف من قساوتك العبير
ودي اجفل من مزاجك واحذره
ودي اعرف لو زعلت ايش بصير
لو تقدر خاطري صدق اكسره
لو صحيح تحبني لا تستشير
ازرع بقلبي سبب يستنفره
اثبت انك غير وان الناس غير
شاعرك ما كل بنت اتجرجره
حارت ابه عقول ناي ما تحير
النسا ما حركوا فيه اشعره
ثار عشق وما لقى شيٍ يثير
لو سكت شفت الوقار بمنبره
وان تكلم زمهرير بزمهرير
ما يحضر الا القلوب مجمهرة
وما يغيب الا وعشاقه كثير
ان هجرته تستقر بمحقره
وان تبعت ارضاه ما عينت خير
اعشقه لكن بعد ما تقهره
ابتسم له بس لا شفته كسير
حن لكن حن لا جيت اخبره
حب لكن خل قلبك بالاخير
لو عطيته وجهك اعطاك اظهره
صد عنه ويتبعك مثل الضرير
لا تحاول تكسبه ما تخسره
صير ثلج يصيرلك مثل السعير
ما تميل الا الغصون المثمرة
وما يسيل من الجروح الا الغزير
من قبل ما تنقهر منه اقهره
قبل لا يستحقرك خلك حقير
اسكنه... حرك جموده ....بعثره
اعشق.... اكره
عاتب ...... اشرح
حن..... غير
انثره...... لملمه
لملمه ..... انثره
صد ياخي طير لو تقدر تطير
من متى وانا تحرّى لي مرى
تثبت اني لو وقعت اوقع كبير
ابكي انا مقطوع من غصن اشجره
لا صديق ولا رفيق ولا عشير
ابدوي شيب الصبر اشعره
ما عرف ريش النعام ولا الحرير
ان غفا كنّ السحاب يدثره
وان صحا يفرش من الرمضة حضير
ماخذ من قسوة البيدا اكثره
ومن شموخ البدو شر مستطير
جنته صحراه والشوك ازهره
والسراب بنظرته مثل الغدير
ام فزع يا مشجعه يا مظفره
من خلقه الله وهو قرم وفقير
كان ما تقدره قول ما اقدره
صير غالي صدق ولا لا تصير
الغلا اللي ما تزعوعه اهجره
دام قلبك لا يجار ولا يجير
شوف لك رجل بليد استحقره
واجد اللي يعشقون بلا ضمير
بس انا لم جبتلي مية مرى
ما تحرك مني شعره ولا تطير