فلسفة الحب

عايشين في هذي الحياه ،،،
و العواطف و المشاعر تأخذنا و تييبنا ،،،
نمشي في طريج لكن !! ماندري شنو آخره ؟
ممكن يكون انكسار !!؟
أو يمكن يكون سعاده !!؟
أو انه يكون مو معلومه آخرته !!

يطيح الإنسان بالحب ،، و من دون أي وعي يدخل في متاهات يصعب عليه بالنهايه انه يطلع منها ...
و هذي النهايات ؟ ممكن تكون قاسيه جدا على القلب !!
و هذي المتاهات ممكن أنها تكون كلها ذكريات
على كل جدار تنرسم ذكرى و في كل زاويه أصوات ،،،!!!

شعور انك تحب إنسان ،،، هو شعور حلو !!
يخليك مثل الطير تطير في السماء
و يخليك مثل الرضيع إلي على كثر ما يكون في حضن أمه إلا انه يشتاقلها لحظة ما تكوم من عنده و يقعد ينادي !!

صعبه على الإنسان انه يعيش و يكن في قلبه مشاعر و عواطف كبيره لإنسان و شعور أصعب يوم يكتم غيرته عليه و تثور البراكين في داخله و يحس بالضيق لسبب يجهله إلي خذا قلبه و لسبب يعلم فيه إلي حسه !!

دائم لما تطيح بالحب
تتمنى انه إلي تحبه يكون معاك
و يحس بنفس شعورك
تخاف من أي لحظة برود تصيب علاقتكم و كثرت إلي مشاكل و سوء الفهم بينك و بينه تزيد !!!

يا ترى انت غلطت يوم حبيته ؟
ولا الغلط منه يوم ما فهم شعورك له ؟

يوم تكون معاه ... و تحس كأنك ملكت الدنيا و تقوله كل إلي في قلبك و بكل سعاده تكون قاعد توصفله ،،، و تقوله " إلي يضايقك منه " و أهو ؟
يعيد مره و مرتين و ثلاث ...
ساعتها انت غلطان لأنك قلتله انه هذا الشي يضايقك ؟
أو انه غلطان لأنه استخف فيك و بمشاعرك ؟

فلسفة الحب :
إنك تحب إنسان و تكون مستعد انك تعطيه روحك و كل مافيك بدون أي مقابل ،، و بنفس الوقت يعطيك كثر ما يأخذ وزيادة بدون لا تطلب !

By;Dani qaddoura
@DaniAlm_