حكاية روح

حكايه روح

" يا محاسن الصدف " ....
جمله نقولها كل ما شفنه أحد نحبه " صدفه " ...
ذاك الفرح إلي يملينا !! نروحله و نظمه !! و كلنا سعاده ،، و نحب ديك الصدفه حيل و نقول ...
" صدفه حلوه " و " يا محاسن الصدف " .....
كلنا نحب نجتمع مع أحبابنا !!
لكن ،،،
لو تفارقنا ؟
يعني صار ظرف و افترقنا ...
ليش هالجمله تتلاشى !!
ليش ما نلتقي !! ليش ما تجمعنا الصدف !!
كن الفراق ( سفر ) ،،،
نصير إحنا في ديره ،، و هو في ديره ثانيه !!
لكن الحقيقه ؟ إحنا في نفس الديره ،،
لكن الصدف ؟ عيت تجمعنا ،،،!!!
يسرقنا الوقت ،، في هذي الحياه الغريبه ،،،
يشتتنا ،،، مثل الدوامه
لا خذتنا ؟ فرقتنا ،، بعدتنا ،، أو نقدر نقول ( طيرتنا ) ،،،
إيه طرنا بعيد عن بعضنا !!!
ممكن أنها حياه تلهينه ،، و نلقاهم مو حوالينه ؟
عدت أيام ،، و إحنا في داخلنا ،، فاقدين الأمل انه غايبنا يرجع ،،،
و نقول للناس انه إحنا تعودنا و قادرين على هذا البعد و الوضع عندنا طبيعي !!
و الحقيقه المره انه إحنا من داخلنا نحترق حد التفحم و حد الرماد !!!
شلون ؟ راح و خذا معاه حياتنا ؟
نتمنى بس صدفه وحده ،،، تجمعنا
يمكن نقدر نسترجع جزء من إلي راح !!
في نفس الديره ؟
تحت نفس السما ،،،
و ما نلتقي ،،،،،،،،
وينه إلي قال " يا محاسن الصدف " ؟
هي مو حكايه شوق !! هي حكايه روح ،،،
لما روحي تنأدي روحك ،،،
و روحك ؟ ما تلبي نداي !!!

By;Dani
@DaniAlm_